شوكولاته

بما إنو
نسبة السكّر عالية جدا حاليا في دمي
والدنيا ليل
وصيف
وهدوء
وسكون
وسهرانين

بهاي المناسبة السعيدة، بحب أعبر عن مشاعري وأحكي كلام مش عادي
كلام مش زي أي كلام

هممممممم
شو أحكي؟
مرة كنت عم بفكر بالعالم وكيف بدي أنقذ العالم.. زي دايما يعني
بس خطر ببالي وقتها إشي خطير
وهو إنو لو إجا كوكب وضرب الكرة الأرضية، ونموت كلنا، راح يبطل في عالم نقلق عليه وراح تختفي كل المشاكل
وهكذا بنخلص من كل وجع الراس
رهيبة صح؟ بعرف أكيد ما حدا خطر بباله هيك فكرة عبقرية

بس إنو... هيك بصير كتير هدوء، يعني زيادة
يعني العالم بختفي، وبصير كتيييير مافي مشاكل
وبتلاقيلك كم من واحد نجوا من الكارثة وضلوا عايشين
وبرجعوا الناس بكتروا مرة تانية
وبرجع وجع الراس
وعدنا حيث كنا

عشان هيك بطلت عن هاي الفكرة الخطيرة
وقررت إنو لازم ألاقي حل تاني ينقذ العالم

هممممممممم
والله مش سهلة، يعني الإشي الي كتير ناس ما بيعرفوه هو إنو الكرة الأرضية عليها حوالي 6 مليارات بني آدم
وتلت سكان الأرض يعيشون تحت خط الفقر
طيب مش عيب هيك؟
هو يعني يا ناس مش عارفة وين تروح بفلوسها يا أما ناس مش لاقية تاكل؟
شايفين كيف المشكلة تزيد تعقيدا؟
وكله بسبب حبة شوكولاته؟ -هو مش يعني حبة وحدة.. كان في حبات كتيييير بصراحة-

همممممممممممممممم
بطلت ألعب